МАРГААШААС ИХЭНХ НУТГААР ХҮЙТНИЙ ЭРЧ ЧАНГАРНА
Цаг уурын байгууллагын мэдээлснээр өнөөдөр буюу 2025 оны 11 сарын 28-нд Булган, Сэлэнгэ, Дархан-Уул аймгийн нутгаар цас орж, цасан шуурга шуурч, Алтайн салбар уулархаг нутаг болон говийн бүс нутгаар салхи шуургатай байхыг анхааруулж байна.
Бямба гараг буюу энэ сарын 29-нд баруун болон зүүн аймгуудын нутгийн хойд хэсэг, төв болон говийн аймгуудын нутгийн зарим газраар, энэ сарын 30-нд төв болон зүүн аймгуудын нутгийн зарим газар, говийн аймгуудын нутгийн зүүн хэсгээр цас орж, цасан шуурга шуурна.
Иймд жолооч, тээвэрчид та бүхэн: Тухайн газар орныхоо цаг агаарын мэдээ, мэдээллийг тухай бүрт хүлээн авах хол, ойрын замд гарахдаа автомашины бэлтгэл, бэлэн байдлыг сайтар хангаж, анхаарал болгоомжтой зорчихыг анхааруулж байна.
СЭТГЭГДЭЛ Үлдээх