Сүүлийн өдрүүдэд шатахуунтай холбоотой асуудал нилээд шуугиан дагуулж байгаа. Иргэдийн хувьд шатахуун авахын тулд доод тал нь 1цагаар зогсохгүй 4-5цаг оочирт зогсож байж ч бензинтэй золгосон тохиолдол цөөнгүй. Тэгвэл энэ асуудал дээр салбар АҮЭБЯ-наас мэдээллээ хийлээ. 

Г.ДАМДИННЯМ: АИ-92 АВТОБЕНЗИНИЙ ИМПОРТЫН ХЭМЖЭЭ ХАНГАЛТГҮЙ БАЙГАА Ч АЛЬ БОЛОХ ХҮРГЭЖ, ТАСАЛДУУЛАХГҮЙ БАЙХЫГ ХИЧЭЭЖ БАЙНА

Газрын тосны бодлогын хэрэгжилтийг зохицуулах газрын дарга Ч.Хишигдалай: ОХУ-аас шатахууны нийлүүлэлт хэвийн үргэлжилж байна. Монгол улс сард 60мянган тонн шатахуун хэрэглэдэг байсан бол 80мянган тонн шатахуун хэрэглэж хэрэглээ өссөн юм. Ингэснээр ОХУ дотооддоо асуудалтай байгаа учир нэмэлт шатахуун нийлүүлэхэд хүндрэл үүсээд байгаагаа мэдэгдсэн гэв.  Мөн өнөөдрийн байдлаар  Улаанбаатар төмөр замын хэмжээнд шатахуунтай 417 вагон байна. Үүнээс 359 вагон буюу 21,540 тонн дизель түлш, 58 вагон буюу 3,720 тонн Аи-92 автобензин байна.