Сүүлийн өдрүүдэд цахим хуудаснаа төрийн дээд одон медалийг үнэмлэхтэй зарна хэмээн нийтэлж бусдыг залилах үйлдэл цөөнгүй болжээ. Төрийн дээд одон медаль нь Монгол Улсын Ерөнхийлөгчид хуулиар олгогдсон эрх бөгөөд зөвхөн ерөнхийлөгчийн зарлигаар л олгогддог. Иймд иргэд олон нийт цахим сүлжээнд явж буй энэ төрлийн үйлдэлд автахгүй байж өөрийгөө болон бусдыг залилах гэмт хэргээс сэргийлэхийг анхааруулж байна. Төрийн дээд одон, медалийг “зарна”, “авч өгнө” гэх ташaa мэдээлэл тарааж бусдыг хуурч мөнгө, эд зүйл авсан бол энэ нь зүгээр нэг худал яриа биш, эрүүгийн гэмт хэрэгт тооцогдох боломжтой.

ЗАЛИЛАХ ГЭМТ ХЭРЭГ

Эрүүгийн хуулийн 17.3 дугаар зүйл – Залилах

Хуурч мэхлэх замаар бусдаас мөнгө, эд хөрөнгө авсан тул:

• Торгууль

• Нийтэд тустай ажил

• Зорчих эрх хязгаарлах

• Хорих ял

 Шийтгэлийн хүнд, хөнгөн нь:

• авсан мөнгөн дүн

• хэдэн хүнийг хохироосон

• давтан үйлдсэн эсэх

• онлайнаар, олон нийтэд тараасан эсэх
  зэргээс хамаарна.

ТӨРИЙН НЭР ХҮНДЭД ХАЛДСАН ҮЙЛДЭЛ...

Төрийн дээд одон, медаль нь зөвхөн хуульд заасан журмаар олгогддог. Үүнийг:

• худалдаж болдог мэтээр сурталчлах

• төрийн байгууллагын нэр барих
  нь төрийн эрх мэдэл, нэр хүндийг гутаасан гэж үзэгдэх үндэслэл болдог.

•  Энэ нь залилах гэмт хэргийн хүндрүүлэх нөхцөл болж ял нэмэгдэх боломжтой.

 Зөрчлийн хариуцлага (хохирол бага бол)

Хэрэв бодит хохирол бага, гэмт хэрэгт хүрэх хэмжээнд биш гэж үзвэл:

• Зөрчлийн тухай хуулиар торгууль

• хохирлыг нөхөн төлүүлэх шийдвэр гарч болно.