Хоёр сурагч шатаж буй гэрээс 4 настай хүүхдийг аварчээ

Хөвсгөл аймгийн Тариалан сумын Ерөнхий боловсролын сургуулийн 8-р ангийн сурагч Б.Бундбаяр, Б.Энхбаяр нар шатаж буй гэрээс 4 настай хүүхдийн амь насыг аварчээ.

Хоёр хүү түлээгээ хагалж байхдаа ямар нэгэн юм дэлбэрэх чимээ сонсжээ. Улмаар хажуу айлын тооноор утаа гарч байгааг хараад гүйн очиход гал гарч буй цоожтой гэрт хүүхэд уйлах чимээ гарсан байна. Хүүхдүүд гэрийн цоожийг чулуу модоор цохиж эвдэж ороод дүрэлзэн асаж буй галын хажууд сууж байсан дөрвөн хүүг аюулгүй авч гарсны дараа гэр нурж унасан байна.

Ийнхүү шатаж буй цоожтой гэрээс бага настай хүүхдийг эсэн мэнд аварсан хоёр хүүг Хөвсгөл аймгийн дээд шагнал Хөвсгөлийн од медалиар шагналаа.