Гэмтэл согог судлалын үндэсний төв болон Тайванийн “Tri-Service” эмнэлгийн хамтын ажиллагааны хүрээнд эмч мэргэжилтнүүд харилцан туршлага солилцох, эрүүл мэндийн дэвшилтэт арга технологиос хуваалцах зорилгоор хамтран ажиллаж байна.

Энэ дагуу Тайванийн “Tri-Service” эмнэлгийн Эрчимт эмчилгээний их эмч, тархвар судлаач Лин Тэ Ю ГССҮТ-ийн Эрчимт эмчилгээний тасаг болон Халдварын сэргийлэлт, хяналтын албанд нэг сарын хугацаатай ажиллаж, ажлын байран дээрх сургалт хийлээ.

Мөн энэ хугацаанд “Монголын тархвар, халдвар судлаач эмч нарын нийгэмлэг”-ийн эмч мэргэжилтнүүдэд Тайванийн эмнэлгийн халдвар хяналтын талаарх мэдээллийг хүргэж, мэдлэг туршлагаа хуваалцсан бөгөөд тус сургалтад нийт 20 гаруй эмнэлгийн тархвар, халдвар судлаач эмч нар хамрагдсан байна