Хятадын цахим худалдааны Temu компани АНУ-д хүргэгдэх захиалгууддаа дунджаар 145 хувийн "имдортын" төлбөр нэмсэн тухай мэдээлжээ. Энэ нь АНУ-ын Ерөнхийлөгч Дональд Трампын Хятадын бараа бүтээгдэхүүнд оноосон шинэ тарифын үр дагавар юм. 

•  Жишээлбэл, Temu дээр 18.47 ам.доллараар зарагдаж буй зуны даашинзны хувьд 26.21 ам.долларын имдортын төлбөр нэмэгдсэнээр нийт үнэ 44.68 м.доллар болж, анхны үнэтэйгээ харьцуулахад 142 хувиар өссөн байна.
• Харин  Temu-ийн гол өрсөлдөгч Shein үнээ тодорхой хэмжээгээр нэмэгдүүлсэн ч импортын төлбөрийг одоогоор шууд нэмээгүй байна. 
• Трампын зарласан шинэ бодлогоор Хятадаас АНУ-д импортлох бүтээгдэхүүнүүдэд 145 хувийн тариф ногдуулах бөгөөд 2025 оны тавдугаар сарын 2-ноос 800 ам.доллараас доош үнэтэй барааг татваргүй оруулах нөхцөлийг цуцлах юм.
• Энэ хөнгөлөлт нь Temu, Shein зэрэг хямд үнийн стратегитай компаниудын АНУ дахь өсөлтийг дэмжиж ирсэн билээ.

Олонхи бизнес эрхлэгчдийн үзэж байгаагаар энэхүү шинэчлэл Temu гэх мэт өрсөлдөгчдийг зах зээлээс шахах ч дотоодын үйлдвэрлэгч, АНУ-д үйл ажиллагаа явуулдаг жижиг бизнесүүдэд нэг талаар боломж авчрах магадлалтай юм. Гэсэн ч ханган нийлүүлэлтийн сүлжээ бүхэлдээ хүнд байдалд оржхэрэглэгчид өндөр үнэ төлж эхлэх эрсдэл өндөр байна гэж шинжээчид дүгнэжээ.

Тарифын огцом өсөлт, “de minimis”-ийг цуцалж буй шийдвэр зэрэг нь зөвхөн АНУ-ын Хятадаас хамааралтай худалдааг биш нийт олон улсын цахим худалдааны бүтэц, жижиг дунд бизнесүүдийн тогтвортой байдалд хүчтэй нөлөө үзүүлэх нь гарцаагүй болж байна.