Онцгой байдлынхан тавдугаар сард 30 иргэний амь насыг аварчээ

Улсын хэмжээнд 2025 оны тавдугаар сарын 1-31-ний хугацаанд төв, орон нутгийн Онцгой байдлын газрын алба хаагчид нийт 11 төрлийн 74 удаагийн гамшиг, аюулт үзэгдэл, ослын дуудлагад үүрэг гүйцэтгэн ажиллаж, 30 иргэний амь насыг авран хамгааллаа.

Өнгөрсөн сартай харьцуулахад:

• Төөрсөн, сураггүй болсон тохиолдол 25%
• Цас, шаварт суусан дуудлага 25%
• Өндрөөс унах осол 62.5%-аар тус тус нэмэгдсэн байна.

 

Харин зарим төрлийн дуудлагууд буурсан үзүүлэлттэй байна. Үүнд:

• Усны осол – 20%
• Зам тээврийн осол – 41%
• Мал, амьтны гоц халдварт өвчин – 75%
• 3.5 ба түүнээс дээш хүчтэй газар хөдлөлт – 12.5%
• Хүчтэй салхинаас үүдэлтэй хохирол – 40%
• Бусад төрлийн дуудлага – 10%-иар буурчээ.

 

Онцгой байдлын алба хаагчид цаг тухайд нь шуурхай ажиллаж, олон иргэний амь насыг авран хамгаалсан нь тэдний өндөр хариуцлага, эрсдэлийг даван туулах чадварыг илтгэж байна.