Арьс түлэгдэхээс хамгаалах арьс арчилгааны алтан дүрэм...

1.Нарны хамгаалалтын тосыг өдөр бүр хэрэглэх хэрэгтэй. SPF (Sun Protection Factor) 30 ба түүнээс дээш хамгаалалттай тосыг сонгох нь зүйтэй. 

2.Нарны хамгаалалтын тосыг зөв хэмжээгээр түрхэх нь чухал. Насанд хүрсэн хүн нүүр, хүзүү, гар зэрэг ил гарсан хэсгүүдэд ойролцоогоор нэг цайны халбага хэмжээтэй тос түрхэх шаардлагатай. Тосыг жигд тарааж, арьсанд бүрэн шингээх хэрэгтэй.

3.Нарны хамгаалалтын тосыг тогтмол сэргээж түрхэх хэрэгтэй. Нарны хамгаалалтын тос нь хөлс, усанд уусах тул 2-3 цаг тутамд дахин түрхэж байх нь зүйтэй.

4.Нарны шил, малгай, урт ханцуйтай хувцас өмсөх нь арьсыг хамгаалахад тустай.

5. Нарны хамгаалалтын тосыг зөв хадгалах нь чухал. Нарны хамгаалалтын тосыг хэт халуун, хүйтэн орчинд хадгалах нь түүний үр нөлөөг бууруулдаг. Иймд тосыг сэрүүн, хуурай газар хадгалах хэрэгтэй.

6.Нарны хамгийн хүчтэй үеэс зайлсхийх хэрэгтэй. Нарны хэт ягаан туяа нь өдрийн 10:00-16:00 цагийн хооронд хамгийн хүчтэй байдаг тул энэ үед гадаа гарахгүй байхыг хичээх хэрэгтэй.