ХХБ-ны теллер О.Бат-Оргил нийт 16 данснаас 754 сая төгрөгийг дотоод шилжүүлэг хэлбэрээр хулгайлжээ…

Тус банкны ажилтан О.Бат-Оргил нь хагас жилийн турш банкны харилцагч нар болох гадаад улсын нэр бүхий 14 иргэний хугацаагүй хадгаламж, харилцахын долларын 10, төгрөгийн зургаа гээд нийт 16 данснаас 754,329,297 төгрөгийг дотоод шилжүүлэг хэлбэрээр хулгайлан авч ХХБ-нд 969,8 сая төгрөгийн хохирол учруулсан байна.  

Тэрээр 2023 оны 11-р сарын 15-ны өдрөөс 2024 оны 4-р сарын 30-ны өдрийг хүртэлх хугацаанд нийт 53 удаагийн үргэлжилсэн үйлдлээр Хулгайлсан мөнгөнөөсөө 640 саяыг нь ээжийнхээ Голомт банкны данс руу шилжүүлж 648,9 саяыг нь өөрийнхөө Хаан банкны дансаар авчээ.  Мөн өөрийн үеэл ах О.Чинзоригийн дансад 220,8 сая төгрөгийг шилжүүлж  үүнээс 103,8 сая төгрөгийг нь өөрийн дансанд авсан байна. Харин үеэл ах нь үлдсэн 119 сая төгрөгийг нь өөрийн юм шиг зарцуулж 15,5 саяар нь өрөө  төлж, 103 саяыг бэлнээр гаргаж авсан гэж тогтоогджээ. Энэ хэргийн хохирогчид нь Япон, Өмнөд Солонгосын иргэд байсан юм. Хагас жил шахам үргэлжилсэн энэ хулгайг банкны дотоод аудитынхан удаан хугацаанд гүйлгээ хийгээгүй гадаад иргэдийн хадгаламж болон харилцах дансанд зайны аудит хийх явцдаа илрүүлжээ. Ганц нэг гадаад харилцагч сэжиг бүхий гүйлгээний талаар гомдол гаргасан аж.

"Хулгайлсан мөнгөөрөө цахим мөрийтэй тоглоод 230 сая төгрөг хожжээ. Мөн мөрийтэй тоглоомноос гадна тайчигч хүүхнүүдийг удаа дараа олноор нь авсан гэнэ. Харин тэр үүнийгээ тайлбарлахдаа  нэгэн тайчигч хүүхэнд ухаангүй дурласанаас болсон гэжээ."