Physical Asia гэх Netflix-ийн гладиатор-стайл өрсөлдөөнт шоуны эхний улирлын ялагчид тодорлоо. Өмнөд Солонгосын Physical: 100 шоунаас сэдэвлэсэн энэ хувилбар нь найман орныг хооронд нь өрсөлдүүлснээр тавцанг улам өргөжүүлж, багууд эх орныхоо нэр хүнд болон 1 тэрбум воны (ойролцоогоор 6.8 сая ам.доллар) шагналын төлөө тэмцсэн юм. Шоуны эхний гурван анги 10-р сарын 28-нд цацагдаж, дараагийн ангиуд нь долоо хоног бүр гарч, сорил бүрийн дараа орнууд хасагдан явсан. Финалын гурван ангийг мягмар гарагт цацсанаар аль баг түрүүлснийг дэлгэлээ.

Өмнөд Солонгос баг Монголын эсрэг оюун ухаан, тэсвэрийн ширүүн тулаанд ялалт байгуулж, аварга болсон. Зургаа дахь буюу финалын сорил нь 6 vs 6 багийн тулаан байсан бөгөөд гурван тоглоомоос хоёрыг нь ялсан баг эцсийн ялагч болжээ.

Багийн ахлагч, Physical: 100 шоуны 2-р улиралд оролцож байсан ч эрт хасагдсан Ким Дун-хён сэтгэл хөдлөн:

“Одоо л үнэхээр бодитоор мэдрэгдэж байна. Итгэмээргүй байна,” хэмээн хэлжээ.

Мөн Physical: Asia-гийн гол тамирчдын нэг, Physical: 100 2-р улирлын ялагч Амотти:

“2-р улиралд би энэ баярыг ганцаараа мэдэрч байсан. Харин одоо багтайгаа хуваалцаж байгаадаа маш их баяртай байна,” хэмээн хэлсэн байна.

Physical: Asia бол:

• 8 орны шилдэг тамирчид

• Багийн системээр

• Биеийн хүч, тэсвэр, хурд, стратеги, багийн ажиллагааг шалгасан өндөр эрчимтэй, бодит өрсөлдөөнт тэмцээн.

Тэмцээнд оролцсон орнууд:

• Өмнөд Солонгос

• Монгол

• Япон

• Австрали

• Турк

• Тайланд

• Индонез

• Филиппин

Тэд дараах сорилд өрсөлдөв...

• Death Match — шууд хасагдах тоглолт

• Team Rep Challenge — багийн хүч, хурдыг шалгасан сорил

• Castle Conquest — стратеги + багийн ажиллагааны томоохон тулаан

• Final 6v6 Showdown — 3 тоглоомоос 2-г нь ялсан баг аварга болно

Эцсийн зорилго нь:

• 1 тэрбум Солонгос воны шагнал

• Улсаа төлөөлөн Аварга баг болох

Шоуны онцлог

• Баг бүр өөрийн улсын хамгийн хүчтэй, чадварлаг, нэртэй тамирчдаас бүрдэнэ

• Сорил болгонд ялсан баг давуу эрх авдаг

• Хожигдсон багийнхан Death Match эсвэл хасагдах эрсдэлтэй

• Шоу нь зөвхөн биеийн хүч бус:

  • Оюун ухаан

  • Стратеги

  • Тактик

  • Удирдлага

  • Багийн уялдаа зэргийг бүх чиглэлээр сорьдог.

      Алдарт оролцогчдын дунд түүхэндээ ганцхан удаа найман жинд дэлхийн аварга болсон Филиппиний боксчин Мэнни Пакьяо багтсан. Гэвч Пакьяо тэмцээний эхний шатанд шоуг орхиж, түүний оронд CrossFit тамирчин Жастин Хернандез оролцжээ. Австралийн багийг UFC-ийн дунд жингийн дэлхийн аварга Роберт “The Reaper” Уиттакер ахалсан.

Physical: 100-ийн анхны хувилбарын шүтэн бишрэгчид Өмнөд Солонгосын багийн зарим гишүүдийг таних байх. Тухайлбал:

• 2-р улирлын ялагч Амотти

• Мөн 2-р улирлаас ирсэн UFC-ийн од Ким Дон-хён (“Stun Gun”)

• 1-р улирлын бөх Жан Ын-сил

• Олимпийн алт авсан скелетон мэргэжлийн тамирчин Юн Сон-бин зэрэг тамирчид багтсан байна.