ОУВС (IMF) Украинтай 4 жилийн хугацаатай, 8.2 тэрбум ам.долларын шинэ хөтөлбөр хэрэгжүүлэхээр мэргэжилтний түвшний тохиролцоонд хүрсэн гэж мэдэгдэв. Энэ хөтөлбөр нь дайны үеийн санхүүгийн дарамт нэмэгдэж буй нөхцөлд Украины эдийн засгийг тогтворжуулахад чиглэнэ.Одоогийн (2023 онд батлагдсан) 15.6 тэрбум ам.долларын хөтөлбөрийг энэ шинэ хөтөлбөр солих юм.ОУВС-гийн багийг ахалсан Гэвин Грэйгийн хэлснээр, тус хөтөлбөр нь Украинд шаардлагатай гадаад санхүүжилтийг татахад чухал бөгөөд 2026–2029 оны нийт санхүүжилтийн дутагдал ойролцоогоор 136.5 тэрбум ам.доллар гэж тооцоолжээ.Украин одоогоор улсын орлогынхоо ихэнхийг Оросын довтолгоог зогсооход зарцуулж байна. Тиймээс ОУВС-гийн хөтөлбөр нь бусад олон улсын санхүүжилт авах гол нөхцөл болдог.Украины Ерөнхий сайд Юлия Свириденко энэ тохиролцоо нь дайны нөхцөл байдалд ч эдийн засаг нь тэсвэртэй байгааг харууллаа гэж хэлж, реформуудыг үргэлжлүүлж, ирэх оны төсвийг батлахад олон улсын дэмжлэг хэрэгтэй байгааг онцоллоо.Европын Холбоо мөн Украинд туслахын тулд хөлдүү оросын хөрөнгийг ашиглах боломжийг судалж байгаа.