АТГ-аас 2025 оны 9 дүгээр сарын 10-нд МАН-ын Хэвлэл мэдээлэл, цахим бодлогын асуудал хариуцсан нарийн бичгийн дарга Ц.Чулуунзагдын албан өрөө болон гэрт нэгжлэг хийж, улмаар цагдан хорьсон. Түүний нэг сарын хугацаатай цагдан хорих таслан сэргийлэх арга хэмжээ энэ сарын 10-нд дуусах байсан ч прокурорын саналыг үндэслэн шүүх дахин 30 хоногоор сунгах шийдвэр гаргалаа. Ингэснээр “Нүүрсний” гэх хэрэгт холбогдсон Ц.Чулуунзагдыг дахин нэг сарын хугацаанд цагдан хорьж, мөрдөн шалгах ажиллагааг үргэлжлүүлэхээр болж байна.