Өмнөд Солонгост 21 настай эмэгтэй согтууруулах ундаанд хортой бодис хольж, хоёр эрэгтэйн аминд хүрч, нэг эрэгтэйг хүнд гэмтээсэн хэрэгт буруутгагдан яллагдаж байна. Мөрдөгчид түүний гар утсанд хийсэн шалгалтаар сэжигтэн ChatGPT-ээс “нойрны эмийг архитай хамт уувал юу болдог вэ”, “хэдэн ширхэг уувал аюултай вэ”, “хүний аминд хүргэж болох уу” зэрэг асуултыг удаа дараа асууж байсан нь тогтоогджээ. Албаныхан уг хэргийн хүрээнд өөр хохирогч байгаа эсэхийг тогтоохоор ажиллагааг үргэлжлүүлж байна.