"Chinggis Warriors" баг BLAST.tv Austin Major 2025" тэмцээний эхний хожлоо авлаа.

Counter Strike-2 (CS2) тоглоомын ДАШТ тэмцээний "BLAST.tv Austin Major 2025"-ий нэгдүгээр шатны тоглолтууд гурав дахь өдрөө АНУ-ын Даллас хотод үргэлжилж байна.

Тус шатанд оролцож буй манай улсын "Chinggis Warriors" баг хоёр удаа хожигдоод байсан. Тэгвэл өнөө өглөө гурав дахь тоглолтоо Бразилын "Fluxo" багийн эсрэг "ВоЗ" журмаар хийж, 2:1-ээр ялалт байгууллаа.

Ингэснээр манай усын баг энэ шатанд нэг хожил, хоёр хожигдолтой болж, хүснэгтийн 13 дугаар байрт бичигдэж эхлэв. Харин Бразилын баг ДАШТ-ээ өндөрлүүлж байгаа юм. "Chinggis Warriors" багийн хувьд дөрөв дэх тоглолтоо өнөө шөнийн 01:30 цагт Хятадын "Lynn Vision Gaming" багийн эсрэг хийхээр болж байна. Хэрэв тус тоглолтод ялалт байгуулбал ДАШТ-ий хоёрдугаар шатанд өрсөлдөхийн төлөө тоглох эрхтэй болно.

Өнөө өглөөний тоглолтод манай баг өөрсдийнхөө сонгосон "Ancient map" дээр 10:13-аар хожигдсон. Тэгвэл Бразилын багийн сонгосон "Mirage map" дээр 13:11, шийдвэрлэх "Nuke тар" дээр 13:2 онооны харьцаатай ялалт байгуулсан билээ. Тус тоглолтын шилдгээр 'controlez' буюу Б.Өнөдэлгэр тодорчээ.

ДАШТ-ий 1-3 дугаар шат тус бурд нэг баг нийт таван удаа тоглох боломжтой бөгөөд гурван удаа ялалт байгуулбал дараагийн шат руу дэвшинэ.