Европт хэт халуун өдрүүд үргэлжилж 45+ хэмд хүрч байна

Испанийн эрх баригчид өнгөрсөн даваа гарагт тус улсад зургадугаар сард тохиолдож байгаагүй өндөр температурыг илрүүлсэн бөгөөд үргэлжилсэн халуун өдрүүд бямба гараг гэхэд мөнгөн усыг нэг цэгт буюу цельсийн 46 хэмд хүргэсэн гэж мэдээллээ. Энэ дээд амжилтыг Португалтай хиллэдэг Хуэлва хотод тогтоож, 1965 онд ойролцоох Севилья хотод тогтоосон 45.2 хэмийн дээд амжилтыг тэргүүлжээ.

Өндөр даралтын систем нь хуурай, халуун агаарыг удаан хугацаанд хадгалдаг цаг агаарын үзэгдэл болох Баруун Европын дээгүүр "дулааны бөмбөгөр" тогтсоноор дээд амжилт тогтоосон температур гарч байна гэж үзэв.

Даваа гарагт эрүүл мэндийн байгууллагууд Испанийн зарим хэсэгт улаан дохио өгч, үдээс хойш гадаа гарахаас зайлсхийхийг эмзэг бүлгүүдэд анхааруулав. Түүнчлэн даваа гарагт Португалийн эрх баригчид долоон дүүрэгт 43 хэм хүртэл халахыг анхааруулж байна. Мягмар, лхагва гаригт хэт халуун хойд зүг рүү шилжиж, Германд халуун болно. Германы баруун өмнөд хэсэгт даваа гарагт агаарын температур аль хэдийн 35 хэмд хүрч халсан. Цаашлаад лхагва гарагт Германд хэт халах төлөвтэй байгаа бөгөөд өмнөд хэсгийн зарим нутгаар 40 хэм дөхөж, бусад нутгаар 30 хэмээс дээш халах төлөвтэй байна.