Өнөө үед хүүхэд, эцэг эх хоёр нэг орчинд олон цагийг хамт өнгөрүүлдэг тул вирусын халдвар гэр бүлийн дотор хурдан тархах магадлал өндөр байдаг. Судалгаагаар эцэг эхчүүд хүүхдэдээ вирус дамжуулах боломжтой бөгөөд хүүхдүүд ч эцэг эхдээ халдвар тарааж болдог нь тогтоогджээ.

Вирус яагаад гэр бүлийн дунд тархдаг вэ?

Зарим вирус (жишээ нь ханиад, томуу, коронавирус) шинж тэмдэггүй үед ч биеэс ялгарч, ойр дотны хүмүүст халдварлах чадвартай байдаг. Иймд өвдсөн гэдгээ анзаарахгүй ч эцэг эхчүүд хүүхдэдээ вирус дамжуулах эрсдэлтэй.

Дамжих эрсдэл өндөр нөхцөлүүд

• Гэртээ ойрхон байх, тэврэх, үнсэх

• Ханиах, найтаах үед ам, хамраа нээлттэй орхих

• Нэг аяга, халбага, алчуур зэрэг зүйлийг хуваалцах

• Агаар муутай, хаалттай орчинд удаан байх

Хүүхдийг вирусээс хамгаалах энгийн аргууд

• Гараа тогтмол угаах – халдварын тархалтыг бууруулна

• Өвдсөн үед зай барих – ойрын харилцааг хязгаарлах

• Ам, хамраа таглаж ханиах/найтаах

• Өрөөг агааржуулах – вирус агаарт удаан хугацаанд үлдэхээс сэргийлнэ

Эдгээр энгийн арга хэмжээг гэр бүлийнхэн тогтмол баримталснаар хүүхдийг вирусын халдвараас хамгаалах боломжтой.